Veldig mange har no betalt medlems-og treningsavgift. Det er likevel framleis ein del som ikkje har gjort dette. Det no sendt ut purring eller rettare sagt ei høfleg oppmoding om å betale. Oppmodinga har du enten fått på e-post eller gjennom «Spond-appen», dersom du har lasta ned denne. Sjekk innboksen din og betal rekninga i dag. Om du ikkje har fått faktura, sjekk først "spamfilteret" om den kan ha hamna der. Dersom du heller ikkje finn den der, kan du sende ein e-post til kristin@breimsbygda.no, så finn vi ut av det.&nbsp;&nbsp;

Påminning 

Sjekk ut nokre av dei flotte gevinstane vi har fått sponsa!! 

 No er  førehandssalet av lodd på hovudgevinstane til idrettsbasaren starta. Om du ikkje skulle få besøk av ein loddseljar på døra i løpet av dei næraste dagane, legg vi også ut bøker på Coop Prix Byrkjelo om ikkje så lenge. Det går og rykter om at gamle leiaren vil sitte der og selje lodd  og prate tyl laurdagen før basaren - Han har visst tilgang til  vipps og, seiast det. Dette vert nok nærare annonsert i tilfelle, så berre følg medVi håper sjølvsagt at vi ser deg i Breimshallen om søndag 23. november!



TA GODT I MOT LODDSELJARANE

&nbsp;Kom og lær meir om styrketrening og vektløfting. I samarbeid mellom BBIL, SFE og VM i vektløfting 2025 blir det invitert til «vektløftarskule» tysdag 11. november klokka 18-19.30 på Breim skule (Gymsalen). 

Breimingar har alltid vore sterke - og no får vi høve til å halde den tradisjonen ved like.  Husk og at stryrketrening er viktig læring og basis for all idrett og aktivitet. Dette høver difor for deg som driv med fotball, handball, friidrett osv. - Og ikkje minst høver det for deg som berre vil halde på forma. Det blir: Instruksjon, frukt/smoothie, overrekking av gåve/utstyr frå VM i vektløfting og ikkje minst ei stor overrasking. 

Aldergruppe frå 4. klasse og oppover. Det er fint om foreldre og andre vaksne kan bli med og hjelpe til med litt ymse. Og, ikkje minst, ta del i overraskinga 

  Kanskje kan dei vaksne og få med  seg nokre gode treningstips! Del ordet, set av tida og møt opp!



STERKE BREIMINGAR

NO TRENG VI KVARANDRE - IDRETTSKLUBB PÅ FREDAG&nbsp;

I samråd med familien til Thea har vi bestemt at Idrettsklubben for yngste gruppe går som vanleg. For eldste gruppa har vi og ope, med den forskjell at vi ikkje brukar gymsalen denne kvelden. Å miste Thea er tungt for familien, men også for heile bygda og ungdomsmiljøet. Vi trur det vil vere i Thea si ånd at ungdomane får lov til å møtast og vere nettopp det, ungdomar. Nokre vil ha behov for å vere heime saman med familien, andre har behov for å komme ut og treffe jamnaldringar. Nokre har behov for å snakke, nokre har behov for å vere stille, nokre vll klemme og andre igjen vil berre grine. Det er heilt greitt – Det finnast ikkje ein rett måte å sørge på.  Vaksne som vil vere saman med ungdomane denne kvelden er og velkomne!&nbsp;&nbsp;

NO TRENG VI KVARANDRE - IDRETTSKLUBB PÅ FREDAG 

Mange har sikkert venta på faktura for medlems-og treningsavgift i BBIL. No kjem den kva dag som helst. Grunnen til at den kjem litt seinare enn vanleg, er at vi har gått over til eit nytt system for meldemsregistrering og fakturering. Det nye systemet heiter Spond, Dei som har lasta ned Spond-appen og tilhøyrer ei av gruppene i laget, får varsel om betaling i appen. Alle andre får faktura på e-post.&nbsp;Det er fint om alle betaler denne innan forfallsfristen slik at vi slepp å bruke ressursar på purring. 

BBIL har i utgangspunktet låge avgifter samanlikna med andre lag. Dette skal vi framleis ha. Dersom det er nokon som ikkje har økonomi til å betale medlems- og treningsavgift har vi etablert ei ordning der ein kan søkje om fritak for dette. Det er viktig at sender søknad om dette i staden for å berre la vere å betale. Då vil du og sleppe å få purringar på ubetalt krav. Meir informasjon om ordninga finn du her: <a href="https://www.breimsbygda.no/inkluderingsfond">https://www.breimsbygda.no/inkluderingsfond</a>

<a href="https://www.breimsbygda.no/inkluderingsfond"></a>Vi har framleis store oppgåver framfor oss. M.a. når det gjeld vedlikehald og utbetringar på anlegg. Det er difor viktig for oss å oppretthalde inntektene, samstundes som vi ikkje påfører medlemmane våre meir kostnader enn det som er naudsynt. Trenings- og medlemsavgifter er ein viktig del av desse inntektene.

Vi vonar at folk og hugsar på at BBIL bidreg med meir enn den organiserte idrettsaktiviteten. Idrettsklubben, 123 treningsstudio, spinning, frisbeegolfbane, eigarskap i Breimsbygda skisenter og opparbeiding av turløyper er døme på slike bidrag. Meir om dette kan du sjå her: <a href="https://www.facebook.com/Breimsbygda/videos/864344930851908">https://www.facebook.com/Breimsbygda/videos/864344930851908</a>

Breimsbygda Idrettslag ynskjer å være meir for bygda enn berre eit vanleg idrettslag. Dette er ikkje mogleg å få til utan ei stor medlemsmasse «i ryggen». Er du ikkje registrert som medlem kan du ordne dette her&nbsp; &nbsp;<a href="https://club.spond.com/landing/signup/breimsbygdail/form/C792553ACEAF4419AB8A64312DC402F4">https://club.spond.com/landing/signup/breimsbygdail/form/C792553ACEAF4419AB8A64312DC402F4</a>

DU FÅR SNART EI REKNING 

Har du gode framlegg til kven som skal få årets stimulanspris og prisen som årets eldsjel? 

Informasjon om statuttar, tidlegare prisvinnarar finn du her: https://www.breimsbygda.no/eldsjelprisenog her: https://www.breimsbygda.no/stimulanseprisen Framlegg sendast til kristin@breimsbygda.no innan 19.11.2025. Prisane vert delt ut på Idrettsbasaren 23.11.2025.&nbsp;&nbsp;

Har du gode framlegg til kven som skal få årets stimulanspris og prisen som årets eldsjel?

Eldsjelpris og Stimulansepris

Årets idrettsbasar blir 23.november. Ta godt i mot loddseljarane når dei kjem på besøk og ikkje minst sett av datoen og bli med på ei god samlingsstund i Breimshallen!&nbsp;

IDRETTSBASAR

Komande søndag frå kl. 18 til 19 vert det «hjartetrening» for godt vaksne kvinner og menn som vil ta vare på hjartet sitt. Det er meininga at ein skal «få litt puls», men kvar og ein bestemmer intensitet sjølv. Dette er ikkje ei vanleg spinningøkt med «hopp og sprett og brå taktskifte». Dei som heller vil ha det, må vente til dei meir moderne spinningøktene med dei ungdommelege instruktørane vert lagt ut. På "hjartetrimmen" brukar vi 10-15 min roleg oppvarming, deretter 4 intervall med tre minutt pause (med roleg sykling) mellom kvar intervall og til slutt 10-15 minutt med roleg nedsykling og litt uttøying. Verre er det ikkje… Påmelding her: <a href="https://www.treningstid.no/alle-treningar/?fbclid=IwZXh0bgNhZW0CMTAAYnJpZBEwVXJZNU84MVRROWZXcmdFdAEeac5Kn6xtj16w4yrQJTKtdmEb3aHcIovqQNQIm4S3czPhhz_y5PNANs687LA_aem_wEUPRZ9_woEukT2NVe_10Q" rel="nofollow" target="_blank">https://www.treningstid.no/alle-treningar/</a>

HJARTETRIM 

Torsdag 16. oktober startar vi opp Idrettskulen 2025/2026 i gymsalen på Byrkjelo, og vi gler oss til ein ny sesong med leik, aktivitet og idrettsglede!

Tema for første trening er volleyball, og det blir ein morosam og lærerik økt saman med Sindre og Jørgen som trenarar. Dei vil vise grunnleggande teknikkar og sørge for at alle får prøvd seg – uansett nivå.

Ta med drikkeflaske, godt humør og bli med på ein kjekk start på idrettsåret!

Idrettskulen startar torsdag

BREIM SKULE

Onsdag kl.17:00-18:00 Nøstetrim 2020 kullet

Onsdag kl.18:00-19:15 Basistrening 10-13 år 

Onsdag kl.19:30-21:00 Sirkeltrening 14 år og oppover

Torsdag kl.17:00-18:00 Nøstetrim 2021 kullet

Torsdag kl.18:00-19:00 Idrettsskulen 1.-2. klasse(når ikkje aktivitet andre arenaer)

Torsdag kl.19:00-20:00 Idrettsskulen 3.-4. klasse (når ikkje aktiviteten er på andre arenaer)

Torsdag kl.20:00-21:30 Herrelaget fotball

Fredag kl.18:00-22:00 IDK (ikkje IDK siste fredagen i månaden)

BREIM BARNEHAGE

Mandag kl.17:00-18:00 Nøstetrim 2022 kullet

HANDBALL I BREIMSHALLEN

HANDBALL I&nbsp;TRIVSELSHALLEN

Treningstider 2025/2026

Idrettsklubben startar opp att fredag 17. okktober!

Vi håpar unge og vaksne støttar opp om tilbodet både ved å delta og stille på som foreldrevakter. Oversikt over vaktplan finn du her:&nbsp;<a href="https://www.breimsbygda.no/idk">https://www.breimsbygda.no/idk</a>

IDK startar opp 17. oktober

Opplegget med trening for "godt vaksne" - også kalla Sterk og Stødig - startar opp igjen mandag 13. oktober kl. 15:00 i gymsalen på Breim skule. Møt opp og få gjerne med deg ein ven!

STERK OG STØDIG STARTAR OPP IGJEN

16. september kjem dei blåkledde Stilpusane på besøk til Byrkjelo!

Heimekamp mot STIL

NFF Sogn og Fjordane, Sogn og Fjordane Friidrettskrins, og Breimsbygda IL arrangerer Byrkjeloleikane laurdag&nbsp;20. september 2025&nbsp;på Byrkjelo Stadion.&nbsp;

NFF Sogn og Fjordane, Sogn og Fjordane Friidrettskrins, og Breimsbygda IL arrangerer Byrkjeloleikane laurdag 20. september 2025 på Byrkjelo Stadion.

Byrkjeloleikane 2025

Då vår leverandør på nettsideløysing har blitt kjøpt opp og slått saman med Spond får vi ny nettside.&nbsp; Det tar nok litt tid før vi er 100% oppe og går på den nye sida, så ha tålmod med oss :-D

Ny nettside!

Er du klar for Breimsveka? Vi i trimgruppa oppfordrer alle som kan til å delta på denne aktivitet i perioden 25 april til 3 mai.

Ta turen innom våre trimpostar som er lagt ut på følgande plassar: Tusenårsplassen, Knutevegen, Lonevatnet og skogsveggen i Bø(Råd).

Om du registrerer deg blir du med i trekninga av to gåvekort a kr 1000,- frå Intersport. Du kan registrere deg på så mange postar du vil og så mange turar du rekker i perioden. Jo fleire turar til betre sjanse har du til å vinne premien. Trimgruppa trekker 2 heldige vinnarar 3 mai. Premiane vert delt ut på Breimstafetten 4 mai.

For å delta i trekninga må ein betale deltakaravgift på kr 50,- pr. person eller kr 100,- for familie. Denne betalast på Vipps til nr 745567. Har du problem med å få scanne QR kode eller ikkje kjem inn på linken på posten for registrering, send ein SMS til 97716633 med namnet ditt så vert du registert.

BREIMSVEKA 2025

Breimstafett #85 går av stabelen 4. mai på Reed Stadion og vi er avhengig av dyktige dugnadsfolk for å arrangere vårens vakraste eventyr. Sjå dugnadslista ved å lese vidare...

Breimstafetten søndag 4. mai 2025 – Dugnadsliste

For meir informasjon om di vakt, ta kontakt med Rolf Kjetil Egge (411 63&nbsp;394).

NB! Namn merka med GRØN FARGE er nye/endringar frå opprinneleg liste.

Leiar: Bjørn Sårheim tlf. 917 47 876

Jon Knut Hetle, Odd Inge Hjelle, Jim Arne Reed, Kjetil Sårheim, Terje Sårheim, Inge Geir Sårheim, Johan Hjelle Pedersen, Jakob Felde.

NB! Desse møter på Reed Stadion for klargjering laurdag 26. april (1 veke før stafetten) etter avtale med leiar.

Leiar: Arve Kleppe og Rolf Kjetil Egge

Odd Stian Reed, Raymond Niiranen, Stian Myklebust, Joar Flølo, Vegard Støyva.

Frammøte ved barnehagen kl. 11.00. Setje fram bord og stolar ved billettstadane

STEMNELEIAR:&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Knut Lunde

TIDTAKARSJEF:&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Ivar Halland

ORDONANS:&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Endre Fugle Kvile

OVERDOMMAR:&nbsp;&nbsp;&nbsp;&nbsp;&nbsp;&nbsp;&nbsp;&nbsp;Knut Lunde

STARTAR:&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Dagfinn Nyhammar&nbsp;&nbsp;&nbsp;

DEFILERING / OPPST.: Inge Geir Sårheim og Roald Veien

DEFILERINGSJURY: Pål Sandal (leiar), Bjarte Gangeskar, Johan Råd.

DOMMARAR/JURY: Knut Lunde (leiar), Johan Råd, &nbsp;Rolf Kjetil Egge

DOMMARAR KRAFTPRØVA: Odd Råd (leiar), Pål Sandal, Greta Sårheim Veien, Johan Råd.

NB: Dommarar og jury møter ved målområdet kl. 12.30 for informasjon v/Knut Lunde

Leiar: Johannes Myklebust

Nestleiar: Arve Kleppe og Rolf Kjetil Egge

Assistentar: Richard Støyva

Vareansvarleg COOP: Renate Grov Fuglestrand

Grillansvarleg: Janne Solheim

Kiosksal vert kun på nedsida av barnehagen

Lag 1 - hjelper til å rigge kiosk (Oppmøte kl. 11.30)

Lag 2 - hjelper med nedrigging av kiosk (Oppmøte kl. 14.00)

FUNKSJONÆRLISTE SAMBAND/TEKNIKARAR

Leiar: Stein Even Sårheim&nbsp;tlf. 917 45&nbsp;786, Nestleiar: Jørgen Veien

Sambandsvaktene møter syd for kiosk under barnehagen seinast kl. 12.00 stafettdagen. Leiar tek kontakt dersom nokon må vere med på førehand for klargjering av utstyr. Alle vakter skal ha gul vaktvest.

Leiar: Leif Øystein Felde&nbsp;tlf. 4800 4160&nbsp;&nbsp;&nbsp;&nbsp;&nbsp;&nbsp;&nbsp;

John Olav Frøystad, Trond Morten Bø, Kåre Hetle, Vidar Bergheim, Inge Geir Sårheim, Bjarte Gangeskar, Gudmund Egge, Jannike Felde (fram til premieutdeling)

Desse møter kl. 12.30 syd for kiosk under barnehagen. Alle vakter skal ha gul vaktvest.

Leiar: Ola Hetle&nbsp;tlf. 918 57 499&nbsp;(avtale med grunneigarar om parkeringsplass)

Sindre Seppola Reed, Simen Hoem, Per Svein Reed, Even Niiranen, &nbsp;Fred Pedersen, Geir Thomas Myklebust, Peder Seime.

Parkeringsgjengen hjelper til på Sperretjeneste om behov under sjølve stafetten. Ta kontakt med Leif Øystein Felde.

Desse møter kl. 11.00 utanfor stemnekontor.

Det vert ikkje parkering på teigen til Sigrunn Reed (rett ved stadion) grunna kollisjonar med løypeprofilar. Alle vakter skal ha gul vaktvest.

FLAGGBORG – BUNAD:

Leiar: Rolf Kjetil Egge&nbsp;tlf. 411 63 394

Faneberar med Breimsbygda-drakt: Erika Louise Virtanen (leiar BBIL)

Premieutdeling og flagg med bunad: Alva Egge Søvde, Johanne Sekkingstad Egge. &nbsp;&nbsp;&nbsp;

Desse møter kl. 12.00 ved stemnekontor

PREIMEUTDELING KONGLERIKETSTAFETT

Bunadsjentene hjelper til med dette.

Maskotar: Audhild Bogstad + 1

STEMNEKONTOR: Inger Berit Skinlo (leiar) mob. 466&nbsp;380 704, Anette Dale Natås, Anette Eide, Elin Bergheim.

Desse møter laurdag og søndag etter nærare avtale med leiar.

SPEAKER: Anders Felde, Hans Petter Myklebust, Vegar Sårheim

PREMIEBORD: Jannike Felde og Anette Eide

KONGLERIKET MINISTAFETT: Rolf Kjetil Egge, Hans Petter Myklebust (speaker) og Dagfinn Nyhammar (startar)

KRAFTPRØVA: Inger Berit Skinlo, Dagfinn Nyhammar (Seeding og startar) , Anders Felde (speaker)

Leiar: Baard Helle Bolstad tlf. 970 32&nbsp;745<s> </s>

Claus Guttesen (ved målpassering), Asgeir Årdal (Friidrettskrinsen, elektronisk)

Fint om alle vekslingsvakter kan laste ned appen «EQ Timing» til bruk på vekslingar der ein ikkje har utplassert sensor.

2.veksling : Thomas Bjørkelo

3.veksling : Grete Aa Sandal

4.veksling : Per Erik Hjelle Eide

Vekslingsvaktene møter syd for kiosk under barnehagen kl. 12.00. Alle vekslingsvakter skal ha gul vaktvest.

Fotballgruppa og Handballgruppa

Arve Kleppe og Rolf Kjetil Egge er kontaktperson for instruksjon og logistikk.

Fotballgruppa stiller med 2 vaktlag. (Lag A og C)

Handballgruppa stiller med 2 vaktlag. (Lag B og D)

Kvart vaktlag består av ein vaksen og 3 ungar.

Dugnadsliste Breimstafetten 2025

INTERSPORT SANDANE INVITERER ALLE MEDLEMMAR I BREIMSBYGDA IL TIL KLUBBDAGAR MED MANGE TILBOD 27.MARS-29.MARS 2025. Merk at dersom du viser fram klubbappen når du handler desse dagane så er du med i trekkinga av eit verdikort på kr. 1000.

&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;20 % PÅ SORTIMENT I BUTIKKEN

&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;25 % PÅ LAGSKLEDE/STRØMPER

&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;25% PÅ JOGGESKO

&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;25% PÅ FOTBALLSKO

Har du lasta ned Club Intersport med BBIL med ”mine team”?

Vis Clubappen i kassa,og du er med i trekning på verdikort på kr 1000,- desse dagane!

Intersport Sandane arrangerer klubbdagar for Breimsbygda IL sine medlemmar 27. - 29. mars. Her kan du nytte medlemskapet ditt og gjere mange gode kjøp.

Husk å laste ned og bruk Intersportappen. Bruksansvisning finn du på linken under. Kode når ein tilknyttar seg laget sitt i appen er: 2573. ( Treng du hjelp til å laste ned - så er det ingen skam å spørje om det) <a href="https://www.intersport.no/fordel-og.../Intersport-app.html?fbclid=IwZXh0bgNhZW0CMTAAAR3Xe-gxdPujr1sloc8X2WIhVzGCQwOQ3ZLYRZXlCp_X5Y2ueFHDtMT2Zxk_aem__SqHf3KARalZThEk_AigjQ">https://www.intersport.no/fordel-og.../Intersport-app.html</a>

Merk at dersom du viser fram klubbappen når du handler desse dagane så er du med i trekkinga av eit verdikort på kr. 1000.

KLUBBDAGAR PÅ INTERSPORT SANDANE 

Årsmeldinga for 2024 er no klar og kan lesast på våre nettsider.

<a href="https://online.fliphtml5.com/rnjco/thic/">Årsmeldinga kan du lese her</a>

Årsmelding 2024

Innkalling til årsmøte i Breimsbygda idrettslag 23.mars 2025. 

23.MARS 2025 • KL. 19:00

f. Val av to til å skrive under møteboka

a. Utsending(ar) til årsmøte i Gloppen Idrettsråd

<a href="https://online.fliphtml5.com/rnjco/thic/">Årsmeldinga for 2024 kan du lese her</a>

Saker må meldast til kristin@breimbygda.no innan søndag 16.mars.

Årsmøte i BBIL

Per Felde var ein viktig mann for mange i Breimsbygda -Ein av dei mange som var med og la grunnlaget for ei aktiv idrettsbygd. Per la ned ein stor innsats for idretten også etter at han flytta frå bygda. Reidar Eide har sendt oss dette minneordet.

Den 3. desember i fjor døydde Per Felde, ein av dei som har markert seg sterkast i friidretten i Breim og i «Idrottslaget Gular» både som aktiv mellomdistanselaupar, trenar og administrativ leiar.

I gravferda var familie, idrettsvener og aktive og leiarar i Gular samla for å ta farvel med ein mykje omtykt trenar og administrator, og i minnestunda vart han heidra både av leiarane i Gular og av utflytte, tidlegare aktive frå heimbygda.

Per vaks opp på Felde, saman med broren, Reidar og ivrige og flinke idrettsgutar på nabogardane, - Olav, Reiel og andre. Dei trente og konkurrerte i lag på Hole skule. Leik, kalla Per det i boka «Idretten i Breim» der han er portrettert i kapittelet om kjende idrettsfolk i Breim.

For fleire av oss som trena i lag i Indre Breim på 70-talet, var Per ein svært viktig person. Han budde i Bergen, spang og var trenar og leiar i Gular, men kom kvar sommar heim. I heile sommarferien trente han saman med oss mellom- og langdistanselauparane. Han konkurrerte med oss, gav oss treningsråd, treningsprogram og var ein stor motivator for oss som satsa rimeleg hardt på den tida. Sjølv etter at han runda 40, sprang han ned mot 2 minutt på 800m, 4.05 på 1500m og 8.55 på 3000m. Han matcha såleis oss godt både i konkurransar og på intervalltreningane. Ikkje minst viktig var det at han også køyrde oss som ikkje hadde sertifikat på onsdagstreningsstemna i Stryn, Sandane, Eid og Førde. Når vi var på stemne på Fana stadion, var det å bu i huset til Per og Unni på Garnes,- anten dei var heime eller det var midt i sommarferien deira. 

Per var ein som stilte opp for heimlaget sitt, - han var med på dugnader på stadion før dei store stemna, han kom med råd og han var ein viktig bindelekk mellom arrangørane i Indre Breim og det drivande friidrettsmiljøet på Bergenskanten. Han tok seg også samvitsfullt av fleire av våre topputøvarar som flytte til Bergen. I minnestunda kom det t.d. fram at han ordna med at ein av dei fekk flytta tenestestad for &nbsp;verneplikta si slik at han kunne trene og konkurrere med Gular!

Per var arrangør og ansvarleg for fleire treningsleirar for Gular her i Breim. «Det var fantastisk for meg, saman med IBIL, å kunne invitere Gular på treningsopphald i ei slik vakker og gjestmild bygd. Vi kosa oss, og hadde stort utbytte av oppholda her, både sosialt og på treningsturane på fjellet og nede i bygda.» (Sitat frå boka, «Idretten i Breim»)

I minnestunda for Per heldt mellom andre Helge Sæhus Brekke tale. Han fortalde om første gongen han skulle springe Breimstafetten. Han var ung og visste ikkje kvar han skulle finne etappen sin. Då dukka Per Felde opp, prata med ein nervøs Helge og var med han til etappen sin,- i staden for å varme skikkeleg opp til sin eigen viktige førsteetappe. Dette var eit utruleg sterkt minne for Helge, og som han sa fortalde mykje om ein snill og hjelpsam idrettskamerat.

Per Felde kom til Gular i 1960 då han tok til å studere realfag i Bergen. Han konkurrerte aktivt langt opp i veteranalder og fekk med seg både deltaking på Gular sitt elitelag i Holmenkollstafetten og fleire sigrar i veteranklassen i same stafett. Beste tida hans på bane var 4:00.7 på 1500m. Men det er som administrator og trenar Per vil bli hugsa i idretten. Han var formann både i friidrettsgruppa i fleire periodar og i hovudlaget, Gular, og tok seg av både sportslege og administrative utfordringar i klubbdrifta. Han var også&nbsp;i fleire år redaktør i klubbavisa Havgula. Han var mellomdistansetrenar i mange år og var ein flink motivator på fleire plan. &nbsp;For Per var det eit høgdepunkt at sonen Karl Henrik tok medalje på 400m i NM, og eit av barnebarna er no i norgestoppen på langsprint i si aldersgruppe.&nbsp;

I boka som kom ut til Gular sitt 50-årsjubileum i 1996, finn vi at Per allereie i 1983 fekk Gular sitt heidersmerke i gull. Han hadde då, for å sitere jubileumsboka, «gjennomført eit administrativt maratonløp som det står respekt av, og som blir meir og meir sjeldant i våre dagar». Etter dette heldt Per fram som administrator, som politisk vald leiar i det kommunale idrettsutvalet i Bergen og som leiar i både hovudlaget og i friidrettsgruppa. Han var og trenar for ei stor gruppe eliteløparar i langsprint og mellomdistanse i fem år, «så dersom vi skal samanlikne med eit løp i dag, blir det vanskeleg å finne dekkande ord. Det måtte bli Ultramaraton.» I same boka blir Per karakterisert som ein idrettsleiar «med blikk for dei heilt grunnleggande problema og hans gode evne til å løyse desse.» Per var leiar og trenar i Gular frå 1968 til 2004. I 2007 vart han også heidra som æresmedlem i laget.

Bildetekst: Per Felde, her aktiv på Gular sitt veteranlag på Holmenkollstafetten, gjev gode råd til oss på Indre Breim som var ganske ferske som stafettdeltakarar i Oslo.

MINNEORD OM PER FELDE

Årsmøte i fotbalgruppa sundag 2. februar kl 20:00 på Stadionbygget, Byrkjelo.

Tid:&nbsp;sundag 2. februar kl 20:00.

Stad: Stadionbygget Byrkjelo.

Saker til Årsmøtet må meldast innan 29. januar på mail: fotball@breim.no

Årsmøte i fotballgruppa

Breimsbygda IL fekk i 2024 kr. 190.541,47 på grasrotandelen til Norsk Tipping ( NB! Beløpet på bilete er litt lågare fordi det vart kopiert nokre timar før vi bladde om på kalendaren)

Dette er ny rekord og vesentleg høgare enn beløpet for 2023 som var kr. 164.833,63

Den førre rekorden var frå 2022 og utgjorde kr. 189.563.

Her kan du lese meir om grasrotandelen: <a href="https://www.norsk-tipping.no/grasrotandelen">Grasrotandelen | Norsk Tipping</a>

GODE INNTEKTER FRÅ GRASROTANDELEN 

For å ta juleynskje fyrst: Det er at vi i fellesskap klarar å ta vare på dugnadsånda og helst få med enno fleire og i alle aldrar. Vi trur det er bra for bygda, bra for idrettslaget og ikkje minst trur vi at det å delta på dugnad er bra for folkehelsa. Vi har alle behov for å vere med på noko som er større enn oss sjølv. Så skal vi sjølvsagt har respekt for at alle ikkje har høve til å vere med like mykje. Ingen kan gjere alt, men alle kan gjere litt.

Å drifte eit breiddeidrettslag med stor aktivitet, mange særgrupper og mykje anlegg krev eit visst mannskap. Stort sett går dette greitt. Men, også i Breim merkar vi at det er tyngre å få folk til å stille på dugnad enn berre for nokre få år sidan. Sjølvsagt er det mange heiderlege unntak, men diverre er det slik at det oftast er dei same folka som går igjen – og då ofte også på tvers av organisasjonar. Og for ordens skuld, det er mange andre enn BBIL som treng bygda sin dugnadsinnsats - den innsatsen er sjølvsagt like mykje verdt.

Men, no nærmar det seg jul og eit aktivt år med både arrangement og anleggsutvikling ligg snart bak oss. Då skal vi mellom anna nytte høve til å rette blikket mot andre enn oss sjølv. Breimsbygda IL har tidlegare hatt ein tradisjon med å gje ei lita merksemd til tillitsvalte og andre som har gjort ein spesiell innsats for laget. Dei siste åra har denne merksemda vore ei gåve til ein eller fleire organisasjonar som bidreg til å hjelpe folk med ein meir krevjande kvardag enn det vi har.

Årets julegåve til tillitsvalte i Idrettslaget er difor ei pengegåve på kr. 5000 til Unicef og eit tilsvarande beløp til den lokale aksjonen « Gje ei handlevogn». Gåvene er allereie levert. Vi ynskjer på denne måten å vise at idrettslaget er ein samfunnsaktør som bryr oss om meir enn resultat og gode idrettsprestasjonar. Vi har alle eit ansvar for å bidra til å ta vare på kvarandre – vi har og eit ansvar for å rette blikket utover oss sjølv.

Avslutningsvis nyttar eg og høve til å kringkaste at dette blir mi siste julehelsing som leiar i idrettslaget. Å starte helsinga med å klage på dugnadsinnsatsen og så avslutte med å takke for seg, er kanskje ikkje eit pedagogisk gullkorn. Likevel, eg trur at det er sunt både for meg og for idrettslaget med eit skifte no. Eg har difor gjeve valnemnda beskjed om at eg ikkje tek attval på årsmøte i mars. Men, eg lovar å stille opp på dugnad – noko må til med eg kunne brukast til.

God Jul til alle våre medlemmar, sponsorar og frivillige. Utan dykk hadde ikkje kvardagen i lokalmiljøet vore heilt det same.

GOD JUL FRÅ BREIMSBYGDA IDRETTSLAG - VI HAR EIT YNSKJE !

Det gjekk litt fort i "svingane" når vi la ut lista sist. Det betyr at du kanskje bør sjekke den ein gang til. No har idrettsklubben tatt juleferie. Likevel er plana for våren 2025 klar. Revidert plan og informasjon finn du i lenkja under.

<a href="https://www.breimsbygda.no/contentcategory/948555774">Breimsbygda IL - Vaktlister Idrettsklubben</a>

REVIDERT VAKTLISTE IDRETTSKLUBBEN - VÅREN 2025

Erfaring tilseier at valkomiteen i BBIL oftast vil trenge litt tid på å få på plass dei brikkene som av ulke grunnar skal skiftast ut. For å få oversikt over aktuelle skifte er det fint  om dei som står på val og ikkje vil vere med vidare, gjev beskjed om det så raskt som mogleg.  Merk! at denne meldinga ikkje gjeld særgruppene. 

Det vert årsmøte i Breimsbygda idrettslag 23. mars 2025. Dei som er på val i AU, barneidrettsgruppa, breimstafettkomiteen, anleggsnemnda og kontrollutvalet og ikkje ynskjer attval, må melde frå skriftleg via sms til leiar i valkomité Rune Dag Kleppe, tlf. 995 97 200, innan 5. januar, 2025.

For ordens skuld minner vi om at særgruppene er eigne valnemnder.

Lurer du på kva tid du står på val, svaret finn du her: <a href="https://www.breimsbygda.no/news/9476915">Breimsbygda IL - PROTOKOLL FRÅ ÅRSMØTE</a>

DET ER LENGE TIL ÅRSMØTE ENNO - MEN,  FRISTEN FOR Å SEI FRÅ SEG ATTVAL ER 5. JANUAR 

Gymsalen på Breim skule er oppteken på måndag 9/12 grunna juleaktivitet. Sterk og Stødig si trening blir difor i ungdomshuset på Byrkjelo, andre etasje. Spre ordet!

STERK OG STØDIG VERT I UNGDSOMHUSET MANDAG 9/12

Reidar fekk si velfortjente utmerking på ein fullsatt Idrettslagsbasar søndag ettermiddag. Fotballdommar Anders Paulen fekk stimulansprisen og Anne-Merete Kleppenes fekk eldsjelprisen. Meir om dei prisvinnarane kjem seinare.

Grunngjevinga for Reidar sitt æresmedlemskap kan du lese her:

Æresmedlemskap er Breimsbygda idrettslag si høgste utmerking, og vert gjeve til medlemar som gjennom ei årrekkje har ytt store og verdfulle tenester for laget. I heilt særskilde høve kan også ein som ikkje er medlem tildelast æresmedlemskap.

Kandidaten skal ha lagt ned ein arbeidsinnsats for idrettslaget over lenger tid som utmerkar seg spesielt i høve til andre godt arbeidande og fungerande medlemar og støttespelarar, og skal ha gjort seg særleg fortent til æresmedlemskap. Arbeidet og den verdfulle innsatsen kan vere både administrativt og sportsleg. Sportslege prestasjonar vil som hovudregel ikkje åleine kunne kvalifisere for æresmedlemskap. Berre dersom slike prestasjonar er på eit høgt nasjonalt og/eller internasjonalt nivå, kombinert med anna verdfull teneste for laget, vil desse kunne bli lagt vesentleg vekt på.

Reidar Moldestad har vore og er ein viktig mann for Breimsbygda Idrettslag. Både medan han var aktiv og etter at han ga seg som utøvar på midten av 1980-talet, har Reidar hatt ei mengde ulike oppgåver knytt til idretten. CVen er så lang og femner over så mange grupper og oppgåver at det ikkje er mogleg å få med alt her. Mellom anna var han styremedlem både i friidrettsgruppa og hovudlaget i IBIL på 70-talet.

Han var og med og skipa Breimsbygda Friidrettslag og var sjølvsagt den fyrste leiaren der, i 1982-83. Reidar var leiar i friidrettsgruppa BBIL frå 2014 til han ga frå seg den stafettpinnen på årsmøte i mars 2024. Han sat då i hovudstyret for BBIL i same perioden. Innimellom, og delvis parallelt med alt dette, har han vore spinninginstruktør, friidrettstrenar, fotballtrenar, hatt ansvar for sirkeltreninga, vore nestleiar i sykkelgruppa og medlem i Idrettsrådet. Han har og gjeve sine bidrag til vektløftargruppa, når dei har hatt behov for det.

Som om ikkje det var nok, har han vore med i det som er av hovudkomitear til dei store arrangementa på Byrkjelo Stadion. Reidar skildrar Byrkjelo Stadion som si «leikegrind». Her har han vore med på dugnader sidan 1970-talet. Han har i ein periode vore anleggsleiar både på Byrkjelo og dei andre anlegga til BBIL – og har sjølvsagt og vore funksjonær på dei fleste stemner, uansett storleik.

Sjølv om Reidar no ikkje har formelle verv i idrettslaget nyt har vi framleis glede av engasjementet han både på friidrettsbane og på sirkeltreninga. Slik vonar vi det vil bli mange år framover.

Reidar har tidlegare fått BBIL sin Eldsjelpris, Breimstafettmedaljen, Friidrettens Venner sin ærespris for Sogn og Fjordane og Friidrettsforbundet sin diplom for administrativt arbeid. Vi trur likevel det er plass til eit heidersteikn til i heimen på Moldestad

Ein verdig og velfortent æresmedlem i Breimsbygda idrettslag

Foto: Benedicte Grov/Firda Tidend

Firda Tidend si sak om prisutdelinga kan du lese her:

<a href="https://www.firdatidend.no/nyhende/blei-heidra-under-idrettsbasaren/?fbclid=IwZXh0bgNhZW0CMTAAAR0yaSdahq7gXBC_ux6BwWTAyFTcedGNbmABRWmdoCZM9zbWfTTvgxQDxy4_aem_b5eErYQU44YfsHuORwXTfw">https://www.firdatidend.no/.../blei-heidra-under.../</a>

Påminning

Påminning

TA GODT I MOT LODDSELJARANE

STERKE BREIMINGAR

NO TRENG VI KVARANDRE - IDRETTSKLUBB PÅ FREDAG

Om oss

Velkomen til Breimsbygda IL

Bli Grasrotgiver og støtt klubben i ditt hjerte